Kena meransang orang ke landik ba pengawa ngarang di menua tu
KUCHING: Penyanding Penemu ba Opis Kepala Menteri Tan Sri Amar Adenan Satem madahka Yayasan Sarawak besedia beserakup enggau Dewan Bahasa dan Pustaka (DBP) dalam pengawa nyelak bup kena meransang orang ke bepengelandik dalam pengawa nulis tauka ngarang di menua tu.Ku iya, tu ulih ngansak sereta ngangkatka pengelandik enggau pengeransing ati nembiak rebak baru ba pengawa ngarang. Iya madahka, pengawa nngarang tu begunaka penemu ti kreatif. “Bisi siti Skim ti mantu ari segi belanja dalam pengawa nyelak bup ke bekaul enggau adat, main asal enggau Jerita menua Sarawak enti asil iya bisi kualiti. “Kena nambahka kategori dalam pengawa nulis tauka ngarang jemah ila DBP patut ngiga orang ke pandai sereta ngumpul pasal cherita kelulu ke bisi di pesisir menua Sarawak,” ku iya meri penemu ngagai DBP. Adenan ke mega nyadi Chairman Yayasan Sarawak mansutka penemu tu lebuhka bejaku dalam pengawa Tinta Kenyalang 2010 ke diatur DBP pampang Sarawak ba Hotel Grand Magherita, ditu kemari. Ba pengawa ke sebaka, Tuai DBP pampang Sarawak Jiso Rutan madahka pengawa Tinta Kenyalang 2010 program ke diatur dikena nyuaka perais ngagau penulis tauka pengarang ti bisi enggau bepekit nulis sereta nyelak ba taun tu enggau 2009. Nitihka penerang ari Jisu, reti ‘Tinta’ iya nya dakwat ti bekaul enggau pengawa nulis, lalu 2010 iya nya taun ketiga pengawa udah diatur. DBP ku iya nyendiaka kategori pekit baka ngarang Sastera Kreatif (cherita pandak), Ngarang enggau nyelak surat (majalah) sekula renggat sekula sekondari Sarawak (Cherita Pandak, Esei, Puisi), Ngarang Sasteta Kreatif sekula sekondari (Cherita Pnadak) enggau nyeritaka baru cherita lama Sarawak. Berebak enggau nya, Jisu ngansak orang bepenglandik dalam pengawa nulis datai ngagai pengawa ke diatur DBP ke deka datai. “Kena 26 enggau 27 November taun tu kami ngatur pengawa betemu enggau bala penulis lalu bejuraika pengawa nulis enggau Sartera di menua tu, ke diatur ba UPM, Kampus Bintulu. “Lalu kena 10 Disember tu betemu penulis ari mayuh bengkah raban bansa ba DBP pampang Sarawak,” ku iya Ba pengawa nya kemari Adenan mega bejadika bup ti benama ‘Memenjat Langit’ ke dikeluarka DBP. Bisi datai ba pengawa nya kemari Pengarah Biro Perkhidmatan Pendidikan Majlis Islam Sarawak ke mega nyadi Kaban Komiti Pengelola DBP Malaysia Datu Dr Badiozaman Tuah, Pengarah Pengawa Pelajar menua Sarawak Mortadza Alop, bala pengajar, nembiak enggau orang ke bukai.
KUCHING: Penyanding Penemu ba Opis Kepala Menteri Tan Sri Amar Adenan Satem madahka Yayasan Sarawak besedia beserakup enggau Dewan Bahasa dan Pustaka (DBP) dalam pengawa nyelak bup kena meransang orang ke bepengelandik dalam pengawa nulis tauka ngarang di menua tu.Ku iya, tu ulih ngansak sereta ngangkatka pengelandik enggau pengeransing ati nembiak rebak baru ba pengawa ngarang.
Iya madahka, pengawa nngarang tu begunaka penemu ti kreatif.
“Bisi siti Skim ti mantu ari segi belanja dalam pengawa nyelak bup ke bekaul enggau adat, main asal enggau Jerita menua Sarawak enti asil iya bisi kualiti.
“Kena nambahka kategori dalam pengawa nulis tauka ngarang jemah ila DBP patut ngiga orang ke pandai sereta ngumpul pasal cherita kelulu ke bisi di pesisir menua Sarawak,” ku iya meri penemu ngagai DBP.
Adenan ke mega nyadi Chairman Yayasan Sarawak mansutka penemu tu lebuhka bejaku dalam pengawa Tinta Kenyalang 2010 ke diatur DBP pampang Sarawak ba Hotel Grand Magherita, ditu kemari.
Ba pengawa ke sebaka, Tuai DBP pampang Sarawak Jiso Rutan madahka pengawa Tinta Kenyalang 2010 program ke diatur dikena nyuaka perais ngagau penulis tauka pengarang ti bisi enggau bepekit nulis sereta nyelak ba taun tu enggau 2009.
Nitihka penerang ari Jisu, reti ‘Tinta’ iya nya dakwat ti bekaul enggau pengawa nulis, lalu 2010 iya nya taun ketiga pengawa udah diatur.
DBP ku iya nyendiaka kategori pekit baka ngarang Sastera Kreatif (cherita pandak), Ngarang enggau nyelak surat (majalah) sekula renggat sekula sekondari Sarawak (Cherita Pandak, Esei, Puisi), Ngarang Sasteta Kreatif sekula sekondari (Cherita Pnadak) enggau nyeritaka baru cherita lama Sarawak.
Berebak enggau nya, Jisu ngansak orang bepenglandik dalam pengawa nulis datai ngagai pengawa ke diatur DBP ke deka datai.
“Kena 26 enggau 27 November taun tu kami ngatur pengawa betemu enggau bala penulis lalu bejuraika pengawa nulis enggau Sartera di menua tu, ke diatur ba UPM, Kampus Bintulu.
“Lalu kena 10 Disember tu betemu penulis ari mayuh bengkah raban bansa ba DBP pampang Sarawak,” ku iya
Ba pengawa nya kemari Adenan mega bejadika bup ti benama ‘Memenjat Langit’ ke dikeluarka DBP.
Bisi datai ba pengawa nya kemari Pengarah Biro Perkhidmatan Pendidikan Majlis Islam Sarawak ke mega nyadi Kaban Komiti Pengelola DBP Malaysia Datu Dr Badiozaman Tuah, Pengarah Pengawa Pelajar menua Sarawak Mortadza Alop, bala pengajar, nembiak enggau orang ke bukai.