KUCHING: Kompeni Pengangkut Sarawak (STC) deka nyendiaka servis sereta bejadika tiket ‘Student FlexipassReturn’ sebedau sekula berengkah dibuka taun baru tu.
Tiket tu dijual ngena rega RM2 ba Stisin Bas Serian enggau semua STC kebukai berengkah 1 Januari 2011.
Nitihka penerang berita, tiket tu dikemendarka dikena dalam 30 hari sereta semina ulih dikena ba servis STC aja.
Nengah tiket tu ila, sida deka diberi diskaun 50 persin sereta nadai ngeletak penyauh pejalai.
Lebuh ngena tiket tu, nembiak patut ngena gari sekula ngambika ulih dikelala.
Deka bulih penerang ke silik agi mensia mayuh tau betelefon ngagai STC Stisin Bas Kuching ngena lumur 016-8860855 tauka 082-233579, stisin Bas Serian (012-8982066 tauka 082-874175) enggau Stisin Bas Bau ngena lumur 016-8899801.