ADUN Sarawak betunga enggau PM

0

MIRI: Pengawa semua Kaban Kunsil Nengeri (ADUN) Sarawak betemu betunga mua enggau Menteri Besai Datuk Seri Mohd Najib Tun Razak seharitu ba Miri, sebengkah pengawa politik ti ke terubah ditengkebang ba Malaysia.

Pemansik pekara politik ke mega lecturer ba Uni­versiti Malaysia Sarawak (UNIMAS), Dr. Jeniri Amir madahka tu pengawa ke terubah baka nya diatur ba Sarawak.

Pengawa betunga mua enggau ADUN ari Sarawak tu dikena iya (Najib) mere­tika tentang isu, penang­gul, peminta sereta aspirasi rayat ba kandang sitak pengari kaban kunsil nengeri ke di­pegai sida,” ku Jeniri lebuh dikerandauka pengari Utusan Borneo lemai kemari.

Ku iya, nengah pengawa betemu mua ke baka nya, Najib deka ngasaika ADUN mega bisi penanggul ke mar deka diputar sida.

“Tu nyengkaum semaya ke apin ulih diputar sereta semaya lebuh bepilih besai taun 2006 suba,” ku iya.

Iya mega madahka, pen­gawa nya ulih dikena nge­mataka strategi, jalai sereta atur kena ngemuntangka penanggul enggau gaya su­kung rayat ba tiap sitak ke dipegai ADUN.

Jeniri mega madahka, Najib nya seiku ari Menteri Besai (PM) ke suah ke Sarawak enti dibidaka enggau PM ke dulu suba.

“Tu senutuk bendar enggau komitmen sereta penyinu ke dipandangka Najib ke beratka Sarawak enggau Sabah ny­adika pesaka Barisan Nasional (BN),” ku iya.

Berindik ari nya, iya nge­lalau semua pengari rayat Sarawak enggau naka ulih mantaika pengelurus penemu ba awak 10 minit nya.

“Taja pan Najib udah bisi jalai bukai dikena napi pen­anggul rayat tang sekali ke tu, iya ngarapka bisi penyelai ari ati pengari rayat,” ku iya.