Mayuh agi projek deka dibai ngagai rayat ba sitak tu kena nyungkak ekonomi ruang bilik
PERINTAH deka ngemansangka pengidup rayat ba Sitak Kunsil Nengeri Kakus kelebih agi sida ti diau ba menua pesisir.
Mayuh pemansang rama, perengka diguna mensia mayuh enggau projek ekonomi udah mujur dipejalaikan perintah ti nguntung rayat menua pesisir ba sitak tu.
Projek tu baka mekalka eletrik, ai beresi enggau jalai alun nyumbang genturung pendiau sereta rumah panjai ba sitak tu.
Tu endang tuju perintah deka meda rayat ba menua tu nengah jalai pengidup ti meruan sereta ba maya ti deka datai.
Kelimpah ari nya, perintah mega deka ngangkat pengidup rayat ba menua tu nuju penatai pemisi besai nengah mayuh macham projek ekonomi ti udah diperambu.
Berindik ari penelaba rayat ba pesisir dalam sitak tu ngereja pengawa betanam betupi enggau bekebun, dia perintah deka ngemerankan program betanam betupi ngagai sida.
Beserimbai enggau tu, perintah mega enda deka meda memansang ba kandang pasar sitak tu, tinggal ari pemansang pasar bukai.
Perintah endang terus deka ngerembaika pemansang pasar setipak enggau pemansang ba kandang mengeri.
Pasar Tatau ti disikap ngena mayuh bengkah opis perintah ti nyadi pengatur pemansang sitak tu deka dikerambaika agi ba maya ti deka datai.
Juluk tu endang kena nentuka sitak Kakus mansang baka sitak DUN bukai dudi ila.
Sitak Kakus diuan 30,000 iku mensia nyengkaum Iban, Melanau, Cina, Punan, Beketan, Kayan enggau Kenyah.