Thursday, May 23

Berita Iban ngatur pekit nyaut entelah, Jun

0

KUCHING: Berita Iban Utusan Borneo deka ngatur Pekit Nyaut Entelah ngagai bala pemacha surat berita tu berengkah Jun ti deka datai.

Pekit tu ti deka diatur berengkah bulan nya, nyendiaka perais ti chukup manah ngagai pemenang.

Ba pekit ti dipelanjaka sekeda kompeni ba menua tu, dia bisi lima iti entelah deka dipansut ngambika tau disaut bala pemacha.

Entelah tu ila deka dipansutka ngena pom ti dikeluarka ba siti ari lambar surat berita tu tiap hari.

Pemacha ti deka masuk pekit tu tau nyaut entelah nya lalu nganjung pom ti udah dikeratnya ngagai opis surat berita tu.

Pekit tu ila deka dibuka ngagai semua peranak Malaysia ti beumur lebih ari 18 taun.

Berita ti silik agi pasal pekit tu ulih dipeda ba pom masuk ti deka dikeluar ba bulan sigi nyin ila.

Berita Iban ngarapka bala pemacha enda muai peluang tu, ukai ketegal perais tang kena ngetanka main asal bansa Iban.