KUCHING: Parti Demokratik Progresif Sarawak (SPDP) deka nemuai sereta betemu enggau Sapit Menteri Besai (TPM) Tan Sri Muhyiddin Yassin pun minggu tu ila berandauka mayuh macham isu ti bekaul enggau parti, nyengkaum pengawa bepilih ti deka datai tu ila.
Aum nya deka berundingka chara napi pengawa bepilih besai (PRU-13) Parlimen. Muhyiddin ke lalu nyadi Sapit Chairman Barisan Nasional (BN) berasai ngaga ati laban SPDP udah ngepunka pengawa betemu enggau rayat ba serata menua Sarawak nyerumba pengawa bepilih besai tu ila.
Bekaul enggau pengerami ke deka diatur SPDP ba Ulu Teru (22-23 Okt), iya madahka nya pengerami diatur begulai ba baruh nama Barisan Nasional laban nya digulu ukai semina ketuai ari SPDP tang ari raban parti kompenen BN ke bukai.
Penemuai nya betuaika Presiden SPDP Tan Sri William Mawan Ikom ke mega nyadi Menteri Kanan enggau Menteri Pemansang Rama Sarawak, disempulang Sapit Presiden parti Datuk Peter Nyarok, Sekretari Besai Nelson Balang,Sapit Menteri Dagang Antarabansa enggau Industri Datuk Jacob Dungau Sagan enggau Sapit Menteri Perengka PengangkutJelaing Mersat. — Bernama