Sebengkah rumah kediri ba Kampung Baru angus

0

BEBENDAR: Raban BOMBA udah mujur ngerara api ti nuntung sebengkah rumah ba Kampung Baru, kemari.

BINTULU: Sebengkah rumah kediri ba Kampung Baru, Bintulu dituntung penusah angus kemari.

Sapit Kepala Opis Pengerara Api enggau Penyah Penusah (BOMBA) Bintulu, Asang Linggi madahka penusah angus nya udah nuntung sebengkah rumah ke digaga sebagi ari konkrit.

“Opis BOMBA Bintulu nerima riput bekaul enggau penusah angus nya urung pukul 10.48 pagi.

“Berebak enggau nya, raban BOMBA mujur mantu sereta nulung mutarka penusah angus nya lalu api ulih dipadamka urung pukul 11.05 pagi,” pia ku Asang bejaku lebuh ditelefon pengarang Berita Iban kemari.

Asang madahka, pun penusah angus enggau pengerugi agi benung ditasat raban BOMBA Bintulu.

“Tang benasib manah laban nadai nyawa bebadi tauka bakal maya penusah angus nya nyadi,”pia ku Asang.

Nitihka penerang, dua buah kerita enggau dua buah kerita BOMBA sereta seraban 20 iku pengereja pengawa BOMBA bejalaika tanggung pengawa mutarka penusah angus nya kemari.