Monday, May 20

Chong nerima tanggi ari Taib bekaul ‘bepilih bulu’

0

KUCHING: Sekretari Parti Tindakan Demokratik (DAP) Menua, ke mega Kaban Kunsil Nengeri (ADUN) Kota SentosaChong Chieng Jenkemari madahka iya nerima tanggi Kepala Menteri Pehin Sri Abdul Taib Mahmud ke deka mantaika pengawa ‘bepilih bulu’ tauka ‘cronyism’ iya (Taib).

“Au, aku nerima tanggi Taib deka mantaika semua pemendar pasal iya,” ku iya madah ba aum media.

Tang taja pia, Chong nadai madahka maya sereta pekara bekaul enggau tuduh iya ba Taib.

Ba aum Kunsil Nengeri ti ke-17 ke baru udah abis tu tadi, Taib nganu Chong ba jaku iya ke nyebut ‘cronyism’ pengawa meri tinda enggau kontrek perintah.

Berebak enggau nya, Taib mega nanggi Chong mantaika semua jaku tekan iya bekaul enggau Taib bisi ‘cronyism’ ba luar Kunsil Nengeri ngambika iya (Taib) pen ulih ngambi atur kot ba Chong, ke mega luyar.