Saridah Syukur
SIBU: Seiku nembiak indu, Saridah Syukur minta saup mensia mayuh ngiga apai iya, Syukur Abdullah @ John Bungkok ngambika nyadi ‘wali’ maya iya nikah ila.
Ku Saridah, iya enggau sida sebilik udah lama enda betemu enggau apai iya.
“Aku minta kerejasama mensia mayuh madah ngagai aku enti nemu pendiau apai (Syukur @ John) aku enggau lengkas,” pia ku iya madah ngagai pengarang berita, kemari.
Enti ulih, ku Saridah, iya ngarap bendar betemu enggau apai iya sebedau iya kahwin ke deka diatur kena 10 Februari 2012 ba Kampung Bahagia Jaya, Teku ditu.
Sebarang sapa nemu pendiau Syukur @ John dipinta betelefon ngagai iya nengah lumur 016-8610842 enggau naka pengelengkas.