TEGAPKA PENYERAKUP: Lo nerima pengabang enda ngira bansa tauka renggat umur.
KUCHING: Dalam taun tu, Majlis Perbandaran Padawan (MPP) deka bejalaika bayar lot ngekah kerita ba palan komersial ngagai kandang endur ke dikuasa sida (MPP).
Chairman iya, Lo Khere Chiang madahka sekeda palan komersial nya nyengkaum Kota Padawan (Batu 10), Batu 3, MJC, Kota Sentosa (Batu 7) enggau Matang.
“Kitai diatu benung dalam proses mewartakan lot ngengkahka kerita lalu ngarapka ulih diputarka dalam taun tu.
“Tu pekara ti endang patut dipejalaika,” ku iya lebuh dikerandau ba pengerami rumah tebuka Taun Baru Cina ba rumah iya ditu, ensanus.
Lo nerangka, penyampau bayar nya setipak enggau ke dipejalaika Majlis Bandaraya Kuching Uutara enggau Dewan Bandaraya Kuching Utara.
Bisi datai ngabang ngagai rumah iya, Pemangku Yang Dipertua Negeri Datuk Amar Mohd Asfia Awang Nassar enggau bini iya Datin Amar Fatimah Mohd Iskandar enggau Menteri Muda Pengatur Pemansang Enggau Pengeraja Asal ti mega Menteri Muda Ba Opis Kepala Menteri (Pemansang Orang Dagang Bumiputera) Mohd Naroden Majais.