KUCHING: Kukun penyampau laun dibayar ke mungkur urung 20 iku orang pichin nyadi sedadu Malaysia (ATM) dipelaba berindik ari penanggul teknikal.
Sapit Menteri Ngetan Menua Datuk Dr Abdul Latif Ahmad Lai madah, sebengkah ari penanggul dipelaba bepun ari pom salah isi tauka rikut pinchin enda lengkap tauka penanggul bukai.
“Nya alai, proses ngemanah pengawa meri pinchin ke diatur Opis Pekara Veteran (JHEV) dipelabaka betangguh.
“Kami minta ampun lalu besemaya deka mutarka penanggul tu,” ku iya ditu, kemari.
Iya bejaku munyi nya dalam aum pengarang berita pengudah ti bejalai sambil gawa sereta pengawa randau begulai enggau pemesai sereta raban Markas Divisyen Pertama Infantri Malaysia enggau Bridged Ke-3 Infrantri Malaysia bekaul enggau SBPA ba Kem Penressen, ditu kemari.
Abdul Latif ngenang riput urung 20 iku orang pichin nyadi sedadu Malaysia ti madahka pinchin sida enda dibayar pengelama tiga bulan.
Ku iya, penanggul nya ukai pekara besai sereta ulih diputarka enggai lengkas.
“Kami ngatur pengawa mayar pinchin urung RM2 billiun setaun nengah JHEV, nadai penanggul.
“Tu semina 20 iku..enti 2,000 baru endang bisi pekara ti enda betul,” ku iya.