TAIB
Ukai semina dikena ngemujur pemansang menua tang mantu mutar sereta ngenuluka penanggul mensia mayuh
KUCHING: Bajet 2013 ti baru udah dibantai Menteri Besai (PM), Datuk Seri Mohd Najib Tun Razak kena Hari Lima tu tadi, siti bajet ti ngemeratka mensia mayuh sereta dipeda nyadi penyungkak penatai pemisi.
Kepala Menteri Pehin Sri Abdul Taib Mahmud madah bajet ti dibantai PM nya, ukai semina dikena ngemujur pemansang tang mantu mutar sereta ngenuluka penanggul mensia mayuh.
“Tu pemun pemendar pengawa dipejalaika perintah mutarka penanggul ke ditapi peranak menua.
“Bajet tu ukai semina deka munaska penyeranta, tang dikena nyingkang mai peranak menua berubah nuju pengelantang,” ku iya.
Iya madah baka tu lebuh dikerandau sepengudah bejadika Hari Tungkul Ati Sedunia 2012 di Taman Sahabat, Jalai Song ditu, kemari ke digulu urung 1,000 iku mensia ke datai nyukung pengawa pengerai tu.
Iya madah Bajet 2013 betatika kos pengidup ke majar mar, nyengkaum betatika renggat mensia mayuh ke patut dikemeratka ketegal penanggul ke ditapi kelimpah ari mantu sida.