KUCHING: Seiku indu ngaga riput polis pengudah iya enggau tiga iku ke bukai dikelulung seraban indu ba sebuah palan pemerindang di Padungan tumu pagi ensanus.
Insiden nya nyadi urung pukul 3.00 pagi lebuh indu ke beumur 24 taun enggau lima iku sida bukai, nyengkaum madi biak iya betunga enggau lima iku indu, seiku ari sida nya besenyataka kunchi stiring.
Tiga iku bakih iya ngebuka diri, ninggalka seduai menyadi enggau seiku bakih indu ke alai sida nya dipesipak, dibukut sereta dikibut sida lima nya.
Sejurus beberapa minit udah nya, orang ke nyerang sida nya empat iku dikelala iya ngerarika diri lebuh sida ngasaika polis deka datai ngagai endur nya.
Tudah indu nya demaram ba pala, mua enggau tubuh laban kena palu ngena kuchi stiring, seraya bakih iya berabi kena kibut ba anggam jari.
Madi lelaki iya, bedarah mulut enggau idung.
Kes nya agi dipansik polis.