KUCHING: Pengawa pengerami puji enggau sembah ti tebuka ngagai semua orang Kristian kena nyendiaka diri nyambut Musin Krismas 2012, deka diatur gereja Sevent Day Advantise (SDA) kena 10 ngagai 15 Disember.
Dalam penerang berita madahka pengerami nya diatur Borneo Convention Centre Kuching (BCCK) tiap malam berengkah ari pukul 7.30 lemai.
Topik ajar ti deka dipansutka tiap malam iya nya ‘Pengaga Lebuh Maya Tusah’, ‘Bakani Tuhan deka Ngubah Nuan enggau Ruang Bilik Nuan’, ‘Kebuah Tuhan Bejalai enggau Nuan lalu Merekat Nuan’, ‘Tujuh Rasia (Pekara Ti Enda Ditemu) Pasal Pengidup Ti Belimpah’, ‘Tuhan CEO Nuan’ sereta ‘Enggau Tuhan, Semua Pekara Ulih Nyadi’.
Orang ke deka meri ajar iya nya Dr Ev. Jannus Hutapea ke udah bejalai ngagai mayuh bengkah menua ngereja pengawa bekunsika jaku Tuhan. Beribu mensia udah diberekat pengudah sida ninga jaku Tuhan ari iya.
Iya deka dibantu Meiske Hutapea, Horace Hutapea, The Forte Singers sereta The Jam Quartet tiap malam.
Barang sapa orang ke deka nemu enggau silik agi pasal pengawa nya tau betelefon ngagai Pastor Matthew Bandan Mambu ba lumur 0123285763 enggau Ratna ba lumur 0168921923.
Semua orang Kristian di Kuching dikangau ngelawa pengawa tu lalu ngasaika berekat Tuhan ti enda ulih ditiu.
Jari Tuhan merekat sereta nyuman.