KAPIT: M.P Hulu Rajang Datuk Billy Abit Joo bisi ngabang Hari Krismas enggau Taun Baru ngagai tujuh buah rumah panjai ba Sekim Pengentap Pendiau Bakun, Sungai Asap, Belaga.
Sekeda ari tuju iya ngelawa sida nya ngirumka pesan ari iya empu ngagai rayat bekunsi sereta beselamat ngintu hari besai .
Rumah panjai ke dilawa iya ngabang nya Uma Ukit, Uma Bakah, UMa Balui, Uma Juman, UMa Apan, Uma Nyaving enggau Uma Kelap.
Bala pengabang nyempulang nya bini iya Datin Yu Yong Ling, Pemancha Umek Jeno, Pemancha Tony Kulleh, Penghulu Saging Bit, En Chukpai Ugon, Encik Rom Kulleh (sekreetari sulit YB Liwan Lagang) enggau sekeda Maren Umas. Ba penemuai iya YB Datuk bisi nebah geran perintah penyampau RM55,000 dikena mantu sida bebelika kereban dikena nyeruri rumah pia mega dikena sida ngintu Krismas enggau aktiviti bukai dalam kandang taun tu tadi.