SIBU: Dua iku mati enggau seiku balat bakal sepengudah kerita sida ngelantak pun kayu di Sungai Assan besemak enggau Tol Jematan Lanang ditu, urung pukul 3 dini hari, kemari.
Seiku ari niang dikelala enggau nama Wong Huong Liang,18, dipadahka bakal ba pala enggau dada lalu seiku agi ke bela bebadi empai ditemu nama bakal ba perut, rekung enggau kening.
Bakih niang, semina dikelala enggau nama Lau balat bakal ba belakang enggau mua diatu mengkang diperubat ba Sepital Besai Sibu.
Nitihka riput, sida tiga datai ari Sarikei dipadahka ngintu taun baru ba Sibu sebedau nya.
Penusah dipelabaka nyadi maya sida tiga deka mulai kediri ngagai Sarikei.