Wednesday, August 12

ZSM udah nyelamat urung 50 iku uduk lelang

0

MIRI: Gerempung ukai perintah (NGO) The Zero Strays Miri (ZSM) udah nyelamat urung 50 iku uduk lelang di bandar ditu sekumbang ke udah ditumbuh ujung taun nyin kemari, taja pan laun ngulihka lisin ngambika ulih bejalaika pengawa nengah chara beradat.

Pemungkal, Melissa Loh madah gerempung nya, sebaka enggau gerempung bukai ke rinduka jelu, bisi tuju ngurangka uduk lelang sebelah jalai di Miri jemah ila.

“Kami udah minta lisin lalu arap pansut dalam ujung bulan tu ila.

“Kami sebendar iya udah nyelamat mayuh agi uduk lelang enti dibanding enggau mayau kenyau ari kami berengkah laban mayuh agi uduk ke bekedayau sebelah jalai,” ku iya lebuh ke dikerandau The Borneo Post kemari.

ZSM sebengkah gerempung ukai begigagka untung lalu naka ke diatu bisi 10 iku volunteer.

Loh mega ngansak penyelamat jelu ngangkat uduk enggau mayau lelang seraya nganti orang bukai ke ngangkat sida.

“Kami benung begigaka palan alai sida tu ngencuh, sekalika kami nya meri sida ngagai orang ke nyelamat sida tauka nyimpan sida dulu sebedau diangkat tauka kami ngelepas sida ba alai sida temu,” ku iya.