Penchuri manuk kampung mujur ditangkap

0

MIRI: Seiku lelaki ke beumur urung 20 taun udah ditang­kap polis tegal ngenchuri dua iku manuk kampung ba sebuah rumah di Tudan kena malam Hari Tiga tu tadi.

Pengawa nya diatur pukul 8.30 malam pengudah neri­ma riput ari orang ke ngempu manuk nya ti madah ngagai polis gamal pechuri ti masuk ke dalam sangkar lalu nguji ngenchuri manuk iya.

Nitihku penerang, terubah orang ke ngempu rumah ninga munyi uduk nyalak ari luar rumah.

Berasai enda lantang ati, iya pansut meresa lalu tepedaka saspek, benung masuk ke dalam sangkar manuk iya.

Iya enda memunyi lalu nitihka saspek ari belakang seraya ngunchi iya ari luar sebedau nganggauka polis.

Polis mai saspek ngagai Balai Polis Sentral Miri (CPS)kena mantu nasat kes.

Polis mega bisi nangkap dua iku manuk kampung ke udah ditaruh iya ba dalam beg.