Monday, October 21

Mensia mayuh di Sri Aman sebanaka pengamah ai paip

0

KUCHING: Pemanah tikas ai paip di Sri Aman majak kusut, ku dawa kepala DAP pampang Sri Aman Leon Jimat Donald.

Iya madahka opis DAP Sri Aman udah nerima sebana ai paip sida kamur ditambahka bekal ai nya suah putus maya ujung minggu .

“Kitai sedar nya pengawa ngemanahka bekal ai di Sri Aman benung dipejalaika tang Opis Kereja Raya ( JKR) Kunsil Ai enda tau nempaya pemanah ai ke dibekal ngagai mensia mayuh di Sri Aman,” ku iya.

Leon, ke diadangka deka bediri ngarika DAP di Sri Aman, madahka iya deka nulis surat ngagai opis ke bekaul nyengkaum menteri ke megai nguasa opis perintah besai di Sarawak, Dato Sri Douglas Uggah, sentang  penanggul tu.