Saturday, October 23

Jabu nanggi RFS bejalaika pengawa ba Sarawak

0

KUCHING: Radio Free Sarawak (RFS) aruh bejalaika pengawa sida dalam menua tu enti amat dikelala rayat Sarawak, ku Sapit Kepala Menteri Datuk Patinggi Tan Sri Alfred Jabu anak Numpang, ensana.

Jabu madah pengawa stesyen radio nabur berita luar ari Malaysia nya salah laban nya mungkur peranak menua luar ti nguji ngerachun runding rayat sereta bejaika perintah Sarawak.

Iya ke mega Menteri Pemansang Menua Pesisir bejaku ngagai pemberita pengudah pengerami nyain sempekat antara Petronas enggau Yayasan Budaya Dayak ditu madah RFS udah ngelaungka atur ngambi orang luar melanja pengawa sida.

Taja pia, Jabu andal rayat Sarawak enda muntang dikeruga tegal jaku bula ke ditabur stesyen radio nya ke dipadah semina naga peranak menua pesisir ba nengeri tu.

“Kami bepenemu genap riput ke ditabur nya enda betul lalu rayat Sarawak tuai runding berati utai ke amat tauka bula,” ku iya. — Bernama