Thursday, October 21

SIDS pampang Sibu deka ngatur AGM kena 16 March tu

0

SIBU: Sarakup Indu Dayak Sarawak (SIDS) pampang Sibu deka ngatur Aum Besai (AGM) ti Ke-21 ba Hotel Paramount kena 16 March tu.

Nitihka penerang, AGM nya deka belabuh ari pukul 7.30 pagi ngagai 12.30 tengahari.

Sekeda ari batang randau maya tu iya nya milih komiti baru renggat 2013-2015 kelimpah berandauka pekara bukai ti bekaul.

Nya alai, semua komiti SIDS pampang Sibu dipinta datai ngulu aum nya ila lalu ngerijista ari baruh tuai diri empu.

Menua ke dibungkur SIDS pampang Sibu iya nya Sentosa 1 enggau 2, Seduan Jaya, Sukun, Rejang Park, Permai, Sibu Jaya, Hospital/Oya, Maludan/Menyan, Naman, Bukit Besai,Teku, Pasai, Aup, Rantau Panjai, Penasu, enggau Pasin (sitak Mukah).

SIDS pampang Sibu ditumbuhka ba taun 1989 lalu diatu megai 17 iti palan nyengkaum ba mengeri enggau menua pesisir di sitak Sibu.

Sarakup tu mega udah bisi ngembuan urung 1,220 iku raban naka ke diatu.