Sunday, September 22

Gaya hari ke kurang ngaum enda ngemuntanka pengawa

0
MANDANG PENALUK: Lakun ke mandangka chara Bintulu diserang penyamun nyelawai dulu suba sereta pemerani peranak menua nya ngelaban munsuh.

MANDANG PENALUK: Lakun ke mandangka chara Bintulu diserang penyamun nyelawai dulu suba sereta pemerani peranak menua nya ngelaban munsuh.

BINTULU: Lebih 100 iku mensia ngulu Pengerami Ngintu Genap 50 taun Sarawak merintah diri dalam Malaysia, renggat pelilih Bintulu ba Esplanade ditu kena lemai Hari Minggu tu tadi.

Bala temuai ti dipebasaka ke bisi ngulu pengerami nya nyengkaum Senator Datuk Pau Chiong Ung, Residen Bintulu Muhamad Yakup Kari, Temenggung Abang Suhaili Abang Mohammad, D.O Tuah Suni, Presiden Pengerejister Gerempung Bansa China Bintulu Dr Wong Aik Loung, presiden Balai Dagang China Enggau Industri Bintulu Pemancha Dr Francis Toh sereta sekeda bala ketuai opis perintah enggau ketuai raban bansa.

Program ke dipejalai Opis Residen Bintulu nya berengkah enggau ‘live band’ pukul 7.00 lemai ditangkanka enggau tanda asal, karaoke sereta pekit tanda moden.

Pengerami nya dipenyadika nengah pengawa ngelengka raban nembiak ari mayuh bengkah gerempung enggau serakup bejalai bebala mayuh mai menira menua Malaysia engggau menira nengeri Sarawak.

Mensia mayuh ke ngulu pengerami nya diperindang enggau mayuh macham pemandang patriotik enggau tanda ke ditangkanka pengawa bejadika pengerami nya ke dipanchar terus nengah skrin besai ari Kuching.

Udah nya, bisi mega dipandang mayuh bengkah main enggau tanda asal ke ditangkanka enggau pengawa nyuaka perais.