PUTRAJAYA: Statistik Nama Pengundi ke dikena rambau pengawa bepilih besai ke-13 (PRU-13) bulan Mei tu ila nunjukka pengundi indu mayuh agi ari lelaki.
Chairman Komiti Pengawa Bepilih Besai (SPR) Tan Sri Abdul Aziz Mohd Yusof madah penyampau pengundi indu iya nya 6,664,474 (50.23 persin) lalu pengundi lelaki 6,603,528 (49.77 persin).
“Nengeri pengabis tinggi penyampau pengundi indu iya nya Kedah, ditangkanka Perlis enggau Kelantan,” ku iya ba pengarang media bekaul enggau hari nganjung nama chalun, ditu, kemari.
Iya ngelalau pengundi ngambika enda ngemendarka sesapa meda tingki diri empu, kelimpah maya ba palan muai undi.
“Maya hari muai undi, semina pegawai SPR ke dichiri aja bisi kuasa minta tingki. Anang meri tingki ngagai sesapa sebedau datai ba palan muai undi taja pan bisi madahka diri pegawai SPR,” ku iya. — Bernama