SIBU: Seiku nembiak lelaki umur 20-an ditemu enda ngeleda semak rumah flet ditu.
Mansa ke bebadi di sebelah tubuh nyengkaum lengan kanan ditemu gegaring.
Sebedau tu, ku berita, sida dipeda begulai ngirup ai bisa.
Tang taja pia, pun kebendar penyarut ke nyadi antara mansa enggau seiku bakih iya nya bedau temu.
Mansa nguji nyelamatka diri empu udah nya ngerarika diri sebedau rebah lalu enda nemu utai.
Seraya nya polis ke nerima kangau beguai angkat ngagai tempat penyadi.
Mansa udah nya ditaban ngagai Sepital Sibu ngena ambulen ngambika diperubat .
Kes ditasat nitihka Seksyen 324 Kanun keseksaan lalu polis enggau naka alah benung nyidi lelaki ke bisi kaul enggau kes.