Larry ngenggaika berita parti kaling Pakatan

0

KUCHING: Presiden Sara-wak Workers Party (SWP) Larry Sng (gambar) nyangkal tuduh parti iya udah nyadi kaling Pakatan Rakyat (PR).

“Tuduh nya sengapa digaga. Pemutus aku udah nyata kenyau ari maya kami numbuhka SWP ke alai kami sebengkah parti kaling BN lalu enda kala diubah nyentuk ke diatu…pemutus nya enda kala diubah,” ku iya.

Iya mansutka jaku tu ba sebengkah aum pengarang berita ti diatur di indu opis parti nya kemari.

Ba sebengkah penerang berita kemari, PKR nengeri nengah Ketuai Pemadah Vernon Kedit nuduh SWP sereta raban orang ke bekimpin parti nya kaling Pakatan ba semua enam penuduk endur sida iya nyabung chalun.

Vernon mega ngansak ketuai dalam SWP netapka pemutus diri sereta parti enggau naka pengelengkas sereta nyangkal tuduh nya.

Tuai kanan Parti Rakyat Sarawak (PRS) mega komen madah enti berita nya amat, nya mandangka SWP udah ngemelika pengundi ba serata menua Sarawak.