Tambai kimpin Lawan dipenyati, dibuai ngagai parit

0

KUCHING: Tambai kimpin chalun Ngatika Diri (Bibas) Parlimen Sri Aman Donald Lawan bisi ditemu dipenyati sereta dibuai ngagai parit kena malam Hari Empat tu tadi.

Tambai nya dipasang ba pasar Lachau, Jalai Sri Aman – Serian enda jauh ari menua penyandang Barisan Nasional (BN) Masir Kujat.

Lawan, dalam penerang ke digaga iya ngagai media kemari, madahka ript polis deka digaga bekaul enggau penyadi nya.

Ba pekara bukai, Lawan madah sekeda raban polis Sri Aman agi bisi ngenakut penyaga pusat operasyen iya ke enda jauh ari pasar Balai Ringin.

Iya madahka penyaga ke nguan pusat nya bisi besebana ngagai iya bekaul bisi tiga iku raban polis datai ngagai palan nya lalu nukik pekara ke enda besangkut-paut, ngenakut sida nanya ke kebuah orang ke nyaga pusat nya nguna baju getah bisi dichelak mua Lawan mega dipasang menira BN bekelingi palan dia.