SARIKEI: Universiti Teknologi Mara (UiTM) Kampus Sarawak dipuji ketegal ngambi nembiak Bumiputera ke kurang nyulut ba pemutus akedemik masuk dalam program Pra-Perdagangan Diploma enggau Pra-Sains Diploma.
Menteri Muda ba Opis Kepala Menteri (Ngelakuka Pelajar Teknikal), Datu Len Talif Salleh madah, dua bengkah kos pra-diploma ke dipejalaika UiTM Kampus Sarawak nya mega program ‘Mengubah Destini Anak Bangsa (MDBA)’ sereta peluang ke pemadu manah ungkup nembiak bumiputera ke kurang benasit nampung pelajar sida ngagai tikas ke tinggi agi pengudah peresa Sijil Pelajaran Malaysia (SPM).
“Program MDBA udah muka peluang ngagai nembiak bumiputera ke kurang benasit nampung pelajar sida ngagai tikas ke tinggi kelebih agi ke datai ari menua pesisir sereta ngembuan pemar ngisi peminta ke jauh tinggi ti ditetapka nyauka semua palan pelajar tinggi,” pia ku iya lebuh bejadika Karnival Pelajar UiTM enggau Belanda Patriotik 1 Malaysia Renggat Menua ba Komplek Lumba Enggau main ditu aoin lama ke udah.
Associate Professor UiTM, Dr. Firdaus Abdullah lebuh ke bejaku ba aum enggau pengarang berita madahka, pengerami ke diatur nya dikena ngelakuka program MDBA, seiti ari produk UiTM dikena mantu nembiak Bumiputera ke mujur ba peresa tang teulihka gred ke baruh dalam peresa SPM, ngambika sida ulih nampung pelajar ngagai tikas Diploma di UiTM.
Ku iya, nembiak Bumiputera ke datai ari ruang bilik ke ngembuan penatai pemisi baruh ari RM2,000 lalu teulihka kredit ba matapelajar Bahasa Malaysia (BM) serta pemadu nadai kredit ba matapelajar bukai ke bekaul ulih diperunding ngambi kos nya.
Ungkup kos Pra Sains Diploma, peminta ke pemadu baruh masuk kos nya, iya nya kredit ba BM, manah grade ba matapelajar Matematik/Matematik Tambahan enggau English sereta pas ba siti ari matapelajar (Fizik, Kimia, Biologi tauka Sains Tambahan).
Peminta ke pemadu baruh masuk kos Pra-Perdagangan Diploma iya nya kredit pemadu nadai dalam tiga matapelajar nyengkaum BM, English enggau Matematik/Matematik Tambahan.
Program MDBA ke dipejalaika UiTM nya mega bisi kaul enggau tanggungpengawa Korperat (CSR) kenyau ari taun 2010 sereta udah muka urung 500 peluang dalam siti semester ba kategori nya ungkup bala nembiak, ku Firdaus.
Kelimpah ari belajar ke enda bebayar, bala nembiak ari baruh program MDBA mega bisi disediaka pemakai ke enda bebayar enggau palan endur diau sereta belanja RM400 diberi ninting bulan. Nembiak ke pas dalam peresa ke penudi endar ke teulihka pemadu kurang 2.0 cumulative grade point average (CGPA) diperundingka ngambi kos Diploma ba UiTM, ku iya.
Taja pia, nembiak ke ngambi kos MDBA ke dikemendar ngambi kos Diploma ba UiTM udah nya, dipinta mayar yuran nengah bantu PTPTN, ku iya.
Raban pematih ari UiTM mega bisi nyerenih pom peminta masuk program MDBA maya karnival tu lalu 20 iku peminta ke diterima udah nerima surat padah ari Len apin lama ke udah.
Lebih 1,000 iku datai ngulu karnival nya, lalu mayuh macham pengawa bisi dipejalaika baka mandangka asil pengawa bala nembiak, pemandang ba panggau, mesera pengerai, meri jaku peransang sereta woksyop Sains Lumba enggau Main.
Dulu ari nya, bisi dipejalaika eksesais aerobik, Belanda Patriotik 1 Malaysia enggau ensikal.
Sama bisi ngulu pengerami nya, ex-Kaban parlimen Sarikei Member, Ding Kuong Hiing, Sapit Rector UiTM Kampus Sarawak, Professor. Madya Wan Akil Tuanku Abdullah, Associate Professor Dr. Firdaus Abdullah, Tuai Lecturer UiTM, Dr. Abg. Zainoren Abang Abdurahman enggau Sapit Residen Sarikei (Bagi Pemansang), Hamidah Halpi.