Maguh
BELAGA: Keterubah betemu enggau raban bansa Sihan ba rumah panjai sida, urung 25 kilometer ari Pasar Belaga aku melaba sida tu bansa Iban laban dua iku lelaki ke ngelaluka penatai aku bisi pantang bungai terung ba baruh berang kiba enggau kanan seduai.
Kelimpah ari nya seduai mega landik bejaku Iban ti ngujungka tebal agi lebuh ke berandau nya kami bejaku Iban lalu semina mimit aja bejaku Melayu.
Magui Muling, 63 ketuai raban bansa Sihan ngaku sida nyauka punas enti dibanding enggau pupu raban bansa bukai ke meruan tebal di Belaga baka Kayan, Kenyah, Iban enggau Penan.
Iya pan ngaku nadai utai ulih dikereja iya kena mampul pekara nya laban sida endang bisi jaku diri.
Raban bansa Sihan kurang ari 300 iku deiatu bebendar ngetanka identiti bansa laban adat asal sida udah lama punas.
Bansa Sihan, Bhuket enggau Seping diengkah dalam bagi pupu raban bansa ke deka punas di menua tu enti chara pengidup sida diatu enda diintu enggau manah.
Ku Magui, raban bansa sida udah muai adat lama ke dikumbai Adat Burung laban ke udah megai batang pengarap Kristian.
Tebal agi sida diatu megai pengarap kristian Katolik enggau SIB.
MAGUI Iya mega madah, anak iya Minggu ke diatu nyadi ketuai raban bansa Penan ba Sekim Pengentap Baru Asap, udah mali nyadi raban bansa Penan.
“Indentiti ke semina dikemisika kami diatu iya jaku.
Kelimpah ari nya kami nadai adat asal bansa bukai laban ke udah diempu raban bansa Orang Ulu baka Kayan, Kenyah, Iban enggau Penan lebih agi ba pengepan, muzik enggau tanda, asil pengelandik jari enggau pantang,” ku Magui madah ngagai pemberita ari The Sunday Post ba Rumah Sihan di Belaga empai lama ke udah.
Magui mega madahka diri bisi ngelalau nembiak rebak baru lebuh maya sida belaki bebini ngambika mayuh beranak awakka bisi nampung bansa, tang tebal agi sida milih beranak mimit ketegal ngembuan penusah ba batang pengidup sereta nupi anak.
Ku iya, bansa Sihan tu peturun bansa Ketao ti diau ba Paku enggau lebak Sungai Tiau, di Sungai Mujong enda jauh ari Kapit.
“Sebedau ninggalka Mujong, bisi seiku ke benama Mekara tauka Matara.
Ketegal iya mega kami diberi nama “Kajang”.
Semua kami baka bansa Sekapan, Kajaman, Lahanan, Sihan enggau Punan dikumbai “Kajang”.
Laban kami datai ari Kajang, kami mega nyadi “Punan” lebuh Ibankami mindah ngagai tanah tinggi sereta ulu entigis ba Batang Murum, Batang Seping enggau Batang Belaga.
Bisi mega kami ba Batang Lusong.
Semua Kajaman enggau Sekapan nya datai ari Batang Kajang sereta nurun ngagai batang Linau.
“Nya meh kebuah kami semua tu dikumbai “Kajang” tauka Sihan Kajang, Sekapan Kajang, Ketan Kajang, Lahanan Kajang, Sihan enggau Punan laban kami datai ari Batang Kajang.
Taja pia, asal kami endar endang ari batang Mujong.
Kami teulihka nama ari Batang Kajang,” pia ku Magui nerangka pekara nya.
“Jalai pengidup kami tusah amat.
Kami nguji deka ngidupka diri ngambika sebaka enggau bansa bukai, tang tu meh naka ke ulih kami,” pia ku sida.
Magui mega ngaku raban bansa iya betapi engagu jalai pengidup ke mar amat lebih agi nadai seiku ari raban bansa nya kala mujur ba peresa STPM.
“ Kami nemu pelajar sekula nya beguna amat ke pengidup, pengelantang, pengidup anak sida jemah ila.
Aku kala nguji meransang apai indai ngambika meri pelajar sekula ke manah ngagai anak sida, tang naka ke diatu lalu nadai udah mujur.
Kami arapka raban bansa Sihan mujur pelajar sekula,” ku iya.
Ku Jayl Langub seiku professor ke nemuai ngagai Unimas madah, pengidup raban bansa Sihan naka iya pemerinsa sereta ngenyinuka ati.
Taja pia iya pechaya raban bansa Sihan enda punas ngapa.
Ku iya, bansa asal Sihan dudi ila engka deka masuk nyadi raban bansa bukai ke besai agi, reti nya raban bansa Sihan enda punas taja pan udah bechampur darah enggau bansa bukai.
“ Aku enggai nyebut ke bendar raban bansa Sihan deka punas jemah ila ketegal sida enda ulih nyeliahka pengawa beruang bilik berasuk enggau bansa bukai jemah ila sereta deka nyadi penentu pengidup bansa nya ila,” ku iya.
Jayl begulai enggau seiku pemansik ari Unimas baka Professor Abdul Rashid Abdullah nemu siti ari chara kena ngintu identiti raban bansa Sihan iya nya palan sida ke jalai pengidup ke mar amat lebih agi nadai seiku ari raban bansa nya kala mujur ba peresa STPM.
“ Kami nemu pelajar sekula nya beguna amat ke pengidup, pengelantang, pengidup anak sida jemah ila.
Aku kala nguji meransang apai indai ngambika meri pelajar sekula ke manah ngagai anak sida, tang naka ke diatu lalu nadai udah mujur.
Kami arapka raban bansa Sihan mujur pelajar sekula,” ku iya.
Ku Jayl Langub seiku professor ke nemuai ngagai Unimas madah, pengidup raban bansa Sihan naka iya pemerinsa sereta ngenyinuka ati.
Taja pia iya pechaya raban bansa Sihan enda punas ngapa.
Ku iya, bansa asal Sihan dudi ila engka deka masuk nyadi raban bansa bukai ke besai agi, reti nya raban bansa Sihan enda punas taja pan udah bechampur darah enggau bansa bukai.
“ Aku enggai nyebut ke bendar raban bansa Sihan deka punas jemah ila ketegal sida enda ulih nyeliahka pengawa beruang bilik berasuk enggau bansa bukai jemah ila sereta deka nyadi penentu pengidup bansa nya ila,” ku iya.
Jayl begulai enggau seiku pemansik ari Unimas baka Professor Abdul Rashid Abdullah nemu siti ari chara kena ngintu identiti raban bansa Sihan iya nya palan sida ke