Saturday, September 19

Antau dipilih nyadi chairman STU pampang Sarikei renggat 2013/2015

0

SARIKEI: Antau Sampo ke ngajar di Sekolah Jenis Kebangsaan (SJK) Methodist Sarikei udah dipilih mangku pengawa nyadi Chairman STU Pampang Sarikei ungkup Renggat 2013-2015 ba sebengkah Aum Besai Ninting Taun (AGM) Serakup Pengajar Sarawak (STU) Pampang Sarikei kemari.

Raban komiti ke bukai nya Mandal chairman Claudius Liew Sze Kiong, Sekretari , Irene Wong Leng King, Mandal Sekretari , Josephine Saga, Tukang Wang , Lau Kim Hock, Mandal Tukang Wang, Hii How Shuay, sereta tiga iku AJK , Joseph Ling Sui Ying, Anne Jimbat enggau Bibi Norani Abdul Aziz Khan.

Aum nya diatur di sebuah hotel ditu ke digulu urung 40 iku raban STU Pampang Sarikei.

Kelimpah ari pengawa bepilih ungkup Renggat  2013-2015, aktiviti bukai ke bisi diselit nya program ‘professional talk’ enggau nyuaka Gelar Insentif Pelajar ngagai bala anak kaban STU ke udah bulih pemutus nyulut ba peresa perintah baka ba Ujian Penilaian Sekolah Rendah (UPSR), Penilaian Menengah Rendah (PMR), Sijil Pelajaran Malaysia (SPM) enggau Sijil Tinggi Pelajaran Malaysia (STPM).

Penyampau 95 iku bala anak kaban STU Pampang bisi nerima gelar insentif nya.