Pengabang dinah ngena macham pengawa nyerumba Hari Pengelalu Pengabang BDA

0

BINTULU: Mayuh bengkah pengawa udah diatur beserimbai enggau pengerami Ngelalu Pengabang Gawai Kunsil Pemansang Bintulu (BDA) ke diatur ba Librari BDA, Sebauh ditu ensanus.

Pengerami nya digulu Sapit Chairman BDA, Tan Sri Celestine Ujang Jilan enggau bini iya, Puan Sri Elizabeth Pawa, Menteri Muda Perengkaguna Mensia Mayuh(Elekterik engagu Penyambung) ke mega Menteri Muda Pemansang Nemb iak (Menua Pesisir) sereta Kaban Kunsil Nengeri (ADUN) Kemena, Datuk Dr Stephen Rundi Utom.

Penatai bala pengabang enggau temuai disambut enggau gendang sereta tabuh enggau ajat Iban seraya dikelaluka Menijer Besai BDA, Datu Mohidin Ishak enggau SAO Sebauh, David Khalla.

Tukang pengerembai berita pengatur pengawa nya madahka, pengerami tebuka Gawai nya diatur dikena ngeratka kaul ba raban pengereja pengawa BDA enggau pupu raban bansa sereta mayuh bengkah jalai pengarap ba kandang menua nya ngambika sama ngerami sereta ngintu Gawai Dayak.

Temuai malam nya diidang enggau mayuh macham bansa pemakai sereta diperindang enggau pengawa belagu.