Seiku ari 13 indu ke ditangkap bejudi, benung ribat kandung

0

MIRI: Seiku indu ke benung ribat nya sekeda ari 13 iku orang indu ditangkap polis kena lemai Hari Enam tu tadi setegal maruk diri dalam pengawa bejudi enda beradat.

Semua saspek orang indu, beumur ari 23 ngagai 63 taun.

Sida ditangkap di sebuah rumah di Piasau Utara.

Operasi nya berengkah urung 3.30 ngalih hari udah bekau nerima riput ari orang mayuh.

Ku puncha berita, pintu pagar nya dikerepau ngujungka seraban polis bejelangkit ari pagar ngambika ulih tama lalu ngetan semua saspek.

Saspek ditan di Balai Polis Sentral Miri dikena mantu tasat.

Maya abas kenyit nya polis mega ngerampas duit pasang penyampau RM200.

Kes nya benung ditasat di baruh Genteran 6(1) Akta Judi 1953.