MIRI: Raban Indu Parti Rayat Sarawak (PRS) Pampang Senadin deka ngatur Aum Besai Ninting Taun (AGM) ba Dynasty Hotel, Miri kena 13 Julai, pukul 2 lemai.
Nitihku sapit chairlady, Misiah Abdullah madah semua kaban indu ke udah berejister enggau Raban Indu PRS Pampang Senadin bela dikangau magang datai ngulu aum nya.
“Semua kaban dipinta datai magang maya aum nya ila,” ku Misiah madah ngagai The Borneo Post kemari.
Ku Misiah, semua kaban ke udah berejister aruh ngemai tingki tauka kad nyadi kaban maya aum nya ila.
Iya madah, ba aum nya mega pengawa milih kaban baru Raban Indu PRS Pampang Senadin deka diatur.
Tandu iya, kaban mega dipinta meri penemu tauka runding maya aum nya ila.
Penerang ke silik tau betanya ngagai sektretari pampang Jenny ba lumur 019-4825523.