Friday, October 18

Bulan Ramadhan ukai penanggul bejalaika pengawa matau: Ramli

0

SRI AMAN: Skim Rondaan Sukarela (SRS) Zon Tengah enggau Selatan Genturung Pendiau Muhibbah, Sri Aman tetap bejalaika pengawa matau ngelingi genturung pendiau nya taja pan diatu benung Bulan Ramadhan.

Ketuai unit nya, Ramli Abu Sera madahka, SRS Zon Tengah enda nyadika pengawa bepuasa kepenanggul enda bejalaika tanggung pengawa matau ngelilingi genturung pendiau.

“Semua raban tetap bejalaika pengawa pematau lalu Bulan Ramadhan ukai nyadika penanggul bejalaika tannggungpengawa nyaga pengelikun reta tengkira kami,” ku iya bejaku ngagai Utusan Borneo ditu, kemari.

Ramli bebendar madah, pengawa pematau aktiviti pansut tama ngagai Genturung Pendiau Muhibbah tetap dipejalaika sepemanjai Bulan Ramdhan.

“Tu amat beguna dikena nyeliahka ‘orang luar’ tama lalu ngereja pekara ti enda manah di genturung pendiau tu,” ku iya.

Berindi ari pekara nya, Ramli ngelalau ‘orang luar’ ngambika anang nguji bejalaika pengawa ti enda manah dalam kandang Genturung Pendiau Muhibbah.