MARUDI: Gerempung Apai Indai enggau Pengajar (PIBG) Sekolah Kebangsaan (SK) Sungai Brit, Marudi nerima chek Projek Mit Menua Pesisir (MRP) ari perintah menua.
Pengerami nyuaka chek nya dipenyadika Pemesai Pelilih Menua Marudi ke suba, Joseph Belayong ke ngarika Chairman Komiti Rama enggau Pengintu Pengelantang DUN Telang Usan ke mega ari Kaban Kunsil Nengeri (ADUN) Telang Usan, Dennis Ngau, bepalan ba Opis Pelilih Menua Marudi ditu.
Chek nya sepenyampau RM5,000 udah diterima chairman PIBG sekula nya, Selimidah @ Gelayan Bada seraya dikemataka kaban komiti ke bukai.
Ba pengerami ke sama, Komiti Rama enggau Pengintu Pengelantang DUN Telang Usan mega udah meri seunit kerusi roda ngagai seiku orang tuai umur benama Lihan Pa ke beumur 70 taun ari Pa Bakan di Ulu Baram.
Kerusi roda nya udah diterima Pahang Nyaling ngarika aki iya.