Tuesday, July 7

Kelab Indu Maksak Kapit diungkupka RM5,000

0

KAPIT: Kelab Indu Maksak Kapit udah nerima geran RM5,000 ari perintah ke diungkupka Menteri Kanan ke mega Menteri Pemansang Tanah Sarawak, Tan Sri Dr. James Jemut Masing.

Pengawa nyuaka geran nya udah diatur ba bilik Konferens di Kompleks Opis Nengeri ba Jalai Bleteh empai lama ke udah.

Geran nya udah disuaka Masing empu ngagai Sapit Chairperson Indu Maksak Kapit, Selmah Apang. Indu Maksak Kapit Women Maksak diatu diketuaika bini Residen Kapit, Francesca Bilong.

Ku Selmah, Indu Maksak balat ngemerat sereta nyendiaka servis rama enggau komuni ti seraya nyuaka pemeri ngagai pesakit ke masuk ba Sepital Kapit kelimpah ari ngintu pengelantang pendiau kaban gerempung nya.

Sama enggau ba pengawa nyuaka D.O Kapit, Elvis Didit, Sekretari politik Kepala Menteri Sarawak, Tengku Geruna, Wilson Nyabong Ijang enggau Temenggung Datuk Kenneth Kanyan.