Seraya ngemeratka pengelikun IPD Sri Aman siruka raban ti bepuasa

0

SRI AMAN: Pengawa bejadika ‘Kempen Ops Selamat III’ di Temudok, Sri Aman ukai semina ngemeratka pengelikun tang mega disempulang Pengerami Bebuka Puasa ke diatur ba Surau Darul Solihin, IPD Sri Aman malam kilah ensanus.

Sapit Ketuai Polis Sarawak, SAC Dato Law Hong Soon dikangau sereta diberi basa bejadika pengawa nya.

Pengerami nya mega digulu Ketuai Pengatur Pengawa Indu Opis Polis Kontinjen (IPK) Sarawak, SAC Dato Ahmad Suffian enggau Ketuai Polis Pelilih Mit Sri Aman, DSP Mat Jusoh Muhammad.

Beserimbai enggau pengerami nya, Law diberi basa nyuaka empat buah kerusi roda, pemeri ari Cheshire Home Sarawak, Kuching ngagai empat iku penerima raban enggau orang ke udah pinchin polis.

Dua penerima ari IPD Sri Aman, seiku ari  IPD Sibu lalu seiku agi ari Serian.

Law sekali agi diberi basa nyuaka kuih Hari Raya ke dipelanja gerempung pengasih opis perintah ngagai 16 buah IPD ke bisi ngulu pengerami nya.