Tuesday, November 12

SPDP Semop deka ngatur pekit main bol 7 sepiak kena 31 Ogos

0

SARIKEI: Sarawak Progressive Democratic Party (SPDP) pampang Semop benung ngelaluka tim main bol ungkup pekit 7-iku sepiak ke deka diatur kena 31 Ogos nyentuk 1 September tu ila.

Chairman pampang, Sabran Yahya madah, pekit dua hari nya deka diatur ba SK Nanga Stras, Meradong.

Batang tuju pekit nya diatur ngambika bala nembiak bisi aktiviti ke beguna lebuh Bulan Meredeka seraya ngumpul pan dikena melanja Nembiak Primari Enam SK Nanga Stras ke deka nemuai ke Kuching lepas peresa UPSR.

Pekit nya dibuka ngagai semua tim main bol ke deka masuk pekit nya sereta tebuka nyentuk ke pukul 2.00 ngalih hari 29 Ogos.

“Baka selama komiti pengatur bisi nyendiaka tropi enggau midul. Tang aku pechaya tim ke deka ngambi bagi nya ngembuan tuju ke besai agi iya nya deka mantu bala nembiak ari ke merening perais,” ku iya.

Penerang ke silik bekaul enggau bayar masuk tau diambi ari Sabran nengah 014-5805919.