Nicholas Semion
SIBU: Seiku nembiak Nyelai Pendiau (OKU) kategori bengal enggau isu diriputka lenyau ari asrama SMK Rosli Dhoby pagi kemari.
Iya ke benama Nicholas Semion, 18 taun agi bisi dipeda maya makai pukul 5.00 lemai tang enda datai ngagai kelas tambah pukul 7.00 malam kemari.
Jejaga sekula nya mega nadai ngerikut nama nembiak nya sebedau kelas nya berengkah pukul 7.00 pagi kemari.
Dipadahka Nicholas beasal ari Rh Letan, Nanga Bunau, Pakoh Oya, Selangau enda kala besekula semina baru ngulu kelas khas kenyau ari tiga taun ke udah.
Iya bedau nemu nguna jaku kelai lalu bepenanggul berandau enggau orang bukai.
Piak sekula irau ke pengelikun iya lalu ngaga riput polis di Balai Polis Sungai Merah.
Orang mayuh ke bisi meda iya dipinta besambung enggau Luly Ak Jugas di arus 019-8753071 enggau 01118527134 tauka betelefon terus ngagai Sarjan Zainal Abidin di arus 084-217901.