Monday, July 22

SPA aruh ngungkupka chukup kuota pengawa puang ke S’wak, Sabah

0

MIRI: Suruhanjaya Perkhidmatan Awam (SPA) enda tau enda bisi chukup kuota ungkup peranak Sabah enggau Sarawak ngambika bisi ngisi pengawa puang ba ijinsi perintah.

Seiku orang ke benung minta kereja ari Miri ke enggai disebut nama madah, iya udah nganti lapan taun minta pengawa ba ijinsi perintah, tang nyentuk ke sehari tu nadai siti pan peminta iya udah diterima.

“Aku ulih mangku pengawa ke dipinta ukai semina nya aku mega graduate lalu udah minta nengah hotline SPA kenyau ari lapan taun ke udah, tang sampai ke diatu nadai nerima timbal,” ku iya ngerandau The Borneo Post kemari.

Lelaki tu madahka SPA enda betul sereta bechiping lebuh magi pengawa puang ngagai orang ke ngiga pengawa lebih ari Sabah enggau Sarawak.

“Diatu mayuh orang ke minta kereja ari Sarawak ngembuan pemandai diploma enggau degree dalam mayuh bengkah bidang pengawa,“ ku iya.

Aku ngarapka SPA enda bechiping lebuh beduaka pengawa puang lebih agi ungkup peminta baru ari Sabah enggau Sarawak, tambah iya.