‘The Church of Jesus Christ of Latter-day Saints’ bisi nyendiaka kelas jaku English

0

KUCHING: Lapan iku vol­unteer ari ‘The Church of Jesus Christ of Latter-day Saints’ di Amerika Syarikat nyendiakka kelas jaku Eng­lish enggau enda bebayar ke nyadi sebengkah ari tanggung pengawa rama sida.

Berengkah dibuka kenaka 15 Januari tu tadi, kelas tu mega meri awak ngagai pela­jar matih diri bejaku English enggau raban volunteer nya.

Kelas bekenaka struktur inovatif ti bepelasarka reti leka jaku English lalu bela disaup raban volunteer menua tu ti landik ba jaku English.

Sida deka nerangka enggau silik sekeda jaku English ke dalam ngagai jaku Iban eng­gau Bahasa Melayu.

“Kelas ditusun ngam­bika pelajar ulih ngangkatka pengelandik ba jaku English lalu orang ke udah nemu tau mega nambahka penau sida,” ku penerang ke dikeluar.

Kelas diatur tiap Hari Tiga berengkah ari pukul 7;30 ngagai 8:30 malam di Begunan Gerija di Lot 1548, Pujut 1A Miri (entara HSBC enggau Sarawak Energy)

Kelas dibuka ngagai semua orang kelimpah ari bansa Islam ke alai raban apai indai diperansang datai nganjung anak sida.

Ba taun 2013, lebih 50 iku orang udah datai nyereta kelas nya. Sebarang tanya tau dikenatai nengah lumur 016-2136053.