Wednesday, November 30

SSMAM melanja kaunsilor baru, Julia Juwen ngirup teh

0

NGEMUNTANGKA PENGAWA INDAI TUNGGAL: (Duduk ari empat kanan) Sebastian, Julia sereta kaban SSMAM bukai maya atur pengawa ngirup teh nya.

MIRI: Gerempung Indai Tunggal Sarawak Pampang Miri (SSMAM) udah melanja Kaunsilor baru Julia Juwen ke mega seiku ari kaban gerempung nya, ngirup teh ba Imperial Palace Hotel, Miri ditu, ensana.

Ex-Sekretari Politik Menteri Kuasa, Teknologi Gadung enggau Ai Datuk Sebastian Ting enggau chairperson SSMA Miri sama bisi maya nya.

Nyempulang nya, Kaunsilor Julia lalu ngena awak nya nyambut hari pengada ke patut diintu kena 14 Februari bulan tu tadi.

“Aku meri terima kasih ngagai bala pangan enggau kaban SSMA ke udah nyukung aku ngelama tu sereta bejalaika pengawa nyadi Kaunsilor ba Bandaraya Miri,” ku Julia.

Ku iya, SSMAM enggau pengari rayat ditu udah meri sukung ke manah amat, ngambika ulih nyapai juluk gerempung kelimpah ari ngulihka bantu dikena nyaup indai tunggal.

Berebak enggau nya chairperson SSMAM, Majanah madah, gerempung nya berasai gaga endar ati laban bisi pengari ari Gerempung Indai Tunggal gawa ba Opis Kunsil Miri, ke alai mudah agi sida ngenataika penanggul ke ditapi.

Bisi ngelui 700 iku indai tunggal ke udah ngerejister diri ba gerempung ngulu pengawa nya.