5,000 pemesai polis deka diambi ari raban bansa China

0

KUCHING: Polis Diraja Ma­laysia (PDRM) deka ngambi 5,000 iku pemesai polis ari ra­ban bansa China nengah atur bererenggat dalam timpuh lima taun ke deka datai.

Nitihka penerang ari Sapit Kepala Polis Malaysia Datuk Seri Mohd Bakri Mohd Zinin, penyampau tubuh pemesai polis ari raban bansa China diatu semina ngarika 1.8 persin ari semua penyampau tubuh polis lalu atur ti baru ditetap nya tau nentuka komuniti Cina teulihka servis ke manah agi ari polis.

“Tenung ari raban bansa Cina patut diubah. Tu menua kitai lalu udah nyadi tang­gungpengawa kitai, polis ukai semina meri servis ngagai se­bengkah raban bansa aja,”ku Bakri.

Iya mansutka jaku tu lebuh dikerandau pemberita pengu­dah bejadi Balai Polis Tabuan Jaya ditu, kemari.

Nyangkal tuduh gaji polis mit, Bakri madah PDRM diberi gaji besai enti diband­ingka enggau ijinsi bukai.

“Runding ke lembau ny­ereta polis patut diubah ba diri raban bansa Cina lalu nya nyengkaum pengawa ngangkatka semangat sida kelebih agi bansa Cina ke diau di Semenanjung Malaysia,”ku iya.

Iya nambah, dikena mer­ansang raban bansa Cina ny­ereta PDRM, penetap mujur ba subjek Bahasa Malaysia deka dikelaung.

Taja pia, Bakri madah diatu PDRM nadai pengurang pemesai polis ari raban bansa Cina ke nyadi inspektor tauka pangkat tinggi agi ari nya.