Dr Dusit jaul mengkang mekuh pangku pengawa Presiden SDGA 2014-2017

0

KUCHING: Pangku pengawa presiden Gerempung Dayak Graduate Sarawak (SDGA) ungkup timpuh 2014 ngagai 2017 mengkang dipegai Dr Dusit Jaul pengudah tembu pengawa bepilih komiti eksekutif baru kemari.

Pengawa bepilih nyerumba Aum Besai Tiga Taun Sekali (TGM) gerempung bela nyiri Noelle Lily Morse nyadi sapit presiden ngambika ulih ngemujur juluk SDGA.

Tiga pangku pengawa mandal presiden ti ngarika tiga pupu bansa dipangku Dr Charlie Dundang ti ngarika bansa Iban, Stalin Johneny bansa Bidayuh enggau Daniel Bampa bansa Orang Ulu.

Pangku pengawa Sekretari Besai enggau Tukang Pekara Wang dipangku Amelia Sima Jimbun enggau Tamoi Janggu ke alai Uden Sanggai enggau Lucia Samuel deka nyadi sapit seduai.

Dikena nentuka komiti baru SDGA tegap, sepenyampau 11 iku komiti udah dipilih iya nya Stanton Morse, Hazelina Samuel, Rosaline Neging, Rueben Jagai, Cassy Cassandra, Dr Alim Impira, Carol Sandra Giang, Dr Clifton Akoi, Girie @ Belayong Kadir, Dr Thomas Buan enggau David.

Pengawa bepilih ke diadu urung jam 12 tengahari di Hotel Telang Usan kemari dipejalai enggau manah lalu bisi digulu urung 100 iku orang nyengkaum kaban SDGA enggau gerempung ke ukai dikuasa perintah (NGO) bukai.