Gloriana Rubi, Kumang Gawai Kapit 2014

0

KUMANG GAWAI KAPIT 2014: Gloriana (tengah), Jackqualina (kiba) enggau Stifonni (kaban).

KAPIT: Gloriana Rubi, 21, udah dipilih nyadi Kumang ba pekit nya ke diatur beserimbai enggau Pengerami Mantar Gawai Tikas Pelilih Mit Kapit.

Gloriana ari Rumah Engking, Sungai Amang di Jalai Selirik ke benung nampung pelajar di Universiti Teknologi Mara, udah nerima perais mata duit RM3,000, jumpang, selampai, hamper sereta baucher kena bebeli barang.

Jackqualina Jonathan, 21, udah bulih lumur dua ditangkanka Stifonni Viya Dennis, 19, ba lumur tiga.

Seduai sama bela nerima perais mata duit RM1,800 enggau RM1,500 disempulang selampai, hamper sereta baucher kena bebeli barang.

Sebelas iku finalis ke bukai mega bisi nerima perais sagu ati RM350 tiap seiku.

Ba pekit nya, bisi 14 iku finalis ti berebutka gelar Kumang ti datur ba Dewan Suarah kena Hari Enam tu nyin tadi.

Semua perais nya disuaka Menteri Pemansang Tanah, Tan Sri Dr James Jemut Masing.