Wednesday, September 28

Tekat Hidroelektrik Baram empai digaga nganti pemendar ari perintah nengeri

0

KUCHING: Sarawak Enegery lalu empai berengkah bejalaika sebarang pengawa nyungkur tauka ngaduka Tekat Hidroelektrik (HEP) Baram.

Nitihka penerang ari kompeni nya ke dipansutka ensana, kompeni nya semina deka berengkah bejalaika pengawa sida nganti pengawa pansik pasal tanah tembu.

Tu nyengkaum ripot penu ke dikumbai ‘ Penilaian Impak Alam Sekitar (SEIA)’ sereta nganti pemendar ari perintah nengeri.

Pengawa Sarawak Eengery dalam nembuka ripot SEIA laban beratika isu raban bansa ke seruran nyakal projek nya.

Berebak enggau nya, Sarawak Enegery bebasaka penemu mensia mayuh enggau gerempung ke udah nyakal pekara nya, nya alai projek nya dipejalaika enggau atur ke manah lalu nentuka pengelikun peranak menua nya.

“Sarawak Enegery seigi enda ngepunka sebarang pengawa sebedau nerima surat rasmi ari perintah nengeri.

“Kompeni nitihka atur ke udah diletak perintah nengeri dikena nentuka asil pulaika pemaik semua sereta nadai ngeruga penatai pemisi dudi hari laban meri penguntung ngagai rayat,” ku penerang nya.

Pansik SEIA, kompeni nya mega nitihka penemu standard antarabansa endur nembuka projek ‘contemporary ethnography’ tauka kelemayang pengidup raban bansa diatu dikena nentuka sida ti kena terea projek nya bisi dipasuk dalam rikod.

Sarawak Energy ngaku gerempung ukai perintah (NGO) enggau kaban belayan raban bansa di Baram, ngembuan runding ke manah laban sida deka meda asil projek nya meri penguntung ngagai peranak menua nya.

Kompeni mega benung chakah nempa kaul enggau raban ke bekaul lebih agi komuniti di Baram, kelimpah ngulihka timbal ari bala tuai raban bansa enggau pengari perintah nengeri.

Kompeni ditusuika rayat di Baram deka meri kerejasama enggau nyendiaka pekara ke ulih dipasuk dalam ripot laban deka meda pekara dikenangika sida bisi dipansuk dalam pansik sereta diperundingka raban ke bekaul.

Berebak enggau Sarawak Energy endang naka ulih ngemujurka pekara ke bekaul.