Friday, December 4

Kem pengerai Impian Sarawak DAP di sitak Mambong nerima respon ti manah

0

KUCHING: Lebih 100 iku ari Kpg Bunuk, Mambong semak ditu udah beperesa pengerai sereta berubat ba kem pengerai ti diatur DAP Impian Sarawak enggau DAP pampang Mambong kena hari Dua tu tadi.

Kem berubat nya ti keterubah endar diatur Impian Sarawak ba sitak parlimen Mambong, ku Sanjak Daik, sekretari politik MP Bandar Kuching,Chong Chieng Jen.

“Tuju kem nya diatur dikena nyendiaka pengawa berubat enda bebayar sereta meresa ngeli ba komuniti di sitak Mambong ,” ku iya madah ba penerang berita ti dikeluarka kemari.

Ku Sanjan, raban ti bejalaika pengawa berubat sehari nya bisi empat iku lutur, lima iku indu misi, enam iku volenter ti mega nembiak ari bidang perubat enggau farmasi.

Ku iya, peranak menua nya mega minta aktiviti ke baka suah agi diatur.

“Mayuh peranak menua nya minta kem nya dipejalaika suah agi, kelebih agi maya ujung minggu ngambika peranak menua ti gawa di mengeri sama ulih sama enggau berubat.”