Raban nembiak diperansang ngaul diri ba pengawa dagang

0
BEJADI: Lo ngempat riben kelai bejadi i.Zakaya (Restoren Jepun) di ICom Square, Jalai Pending Kuching kemari.

BEJADI: Lo ngempat riben kelai bejadi i.Zakaya (Restoren Jepun) di ICom Square, Jalai Pending Kuching kemari.

KUCHING: Raban nembiak dalam kandang mengeri diperansang ngaul diri ba pengawa dagang baka dagang pemakai enggau ai irup, ku Kaban Kunsil Nengeri (ADUN) Batu Kitang Lo Khere Chiang.

Bejaku bejadi palan pemakai i.Zakaya di ICom Square, ba Jalai Pending ngarika Menteri Opis Kunsil Kandang Menua ke mega presiden SUPP Datuk Prof. Dr Sim Kui Huan, Lo madahka peluang nya patut dikerebut raban nembiak ti rinduka pengawa dagang.

“Aku ngelalau raban nembiak ke diau dalam kandang mengeri ke rindu ba pengawa dagang ngaul diri ba dagang pemakai enggau ai irup, restoren.

“Peluang tu patut dikerebut ketegal peranak mengeri diatu ngembuan pemisi lalu dagang tu ulih mai penguntung ngagai sida,’ku iya.

Kelimpah ari nya, Lo mega madah palan dagang iCom Square ti baru udah tembu digaga ngembuan pelin ke manah lalu tau endar matak temuai datai.

Ku iya, tu mih palan dagang baru di mengeri Kuching ke ngembuan kar ke chukup manah lalu bengkah pemakai enggau ai irup ke dijual ba i.Zakaya pan ulih matak temuai datai.

i.Zakaya ditumbuh dua iku orang dagang nembiak iya nya Brendan Ting enggau Owen Phan lalu seduai nyual pemakai enggau ai irup nitihka konsep restoren Jepun.

Mayuh macham pemakai enggai ai irup ari menua Jepun dijual di i.Zakaya.

Bela datai Dato Patrick Liew ke nyadi orang ti numbuhka iCube (iCom Square).