KUCHING: Pasar Serian ke ba tetengah sitak Bukit Semuja, sebuah pasar ke jampat mansang.
Iya mega ukai semina nyadi sebuah mengeri ke nyadi palan penyinggah nengah jalai nya nuju ngagai pelilih menua bukai baka Sri Aman, Sarikei, Sibu, Miri tang nyadi transit entara menua baka Bandar Seri Begawan, Brunei pia mega Pontianak, Indonesia.
Pemesai bandar Serian ti diperatika enda ulih nampung pemayuh orang ke kia, ti nyadi palan penyinggah entara menua ari sitak menua pesisir sereta sitak bukai lalu ngujungka Serian nyadi sebuah mengeri ke sekut kelebih agi maya hujung mingu sereta maya musin pengerami.
“Aku semina deka nemu, ni naka pemansang perambu Serian ‘New Township’ ti digaga opis ke bekuasa lalu ni maya perambu tu ulih dipejalaika.
“Serian New Township beguna endar kena nampung penumbuh pengawa ekonomi sereta mensia mayuh ke majak nambah di Pelilih Menua Serian,” tanya ADUN Bukit Semuja John Ilus lebuh mantaika debat jaku TYT lebuh TYT muka Aum Kunsil Nengeri Penggal keterubah Kunsil Nengeri ke-18 di Komplek Kunsil Nengeri ditu, ensanus.