SIBU: Siku lelaki berumur 38 taun ditangkap polis ketegal ke dipelaba bekaul enggau penyalah melitik tauka nipu orang bukai.
Iya ditangkap polis ba sebengkah hotel ditu kena 8 Feb tu tadi urung pukul 8 malam.
Nitihku dipadah, lelaki tu melitik orang bukai ti madah ke diri deka mantu sida ngisi pom kereja ke laut.
Tang sebedau nya, sida dipinta mayar duit dulu dikena ngerijister peminta sida kereja ke laut ngagai sesebengkah kompeni.
Ba penyalah tu, iya udah melitik lapan iku orang ti arapka jaku iya lalu ari penyampau nya duit ke udah diulih iya urung RM3,000.
Ketegal penyalah tu, iya disil empat hari ba opis polis ngambika kes nya ulih dipansik enggau nyemetak agi.