SIBU: Seiku lelaki ditemu lemas sepengudah lori ke dideriba iya tepawah ke dalam parit ba Sungai Bidut ditu, kilah ensanus.
Nicholas Alin asal ari Tatau, 28, ditemu bebadi bepun ari bakih iya (pangan sama gawa) bisi nelefon ngagai iya urung pukul 5 lemai tang enda disaut.
Nitihka penerang, lebuh kes nya nyadi, niang benung deriba lori mai pasir enggau batu ngagai kebun sabun ba Sungai Bidut.
Maya bakih benung ngiga niang, dia sida lalu tetemuka luan lori tama ke dalam parit ti dipelabaka ketegal tepawah.
Raban polis terus dipadahka bekaul enggau penusah nya urung pukul 7 lemai. Nitihka pansik ke terubah, mangsa nadai bakal tang dipelabaka mati tegal lemas.